Првиот Регионален саем на социјалните претпријатија од Вардарскиот регион, во организација на Регионалниот центар за поддршка на социјални претпријатија при Центарот за развој на Вардарски плански регион и проектот „Поддршка на социјалните претпријатија“, се одржа на Градскиот плоштад во Велес, на 12 ноември, 2021 година (петок), со почеток во 11 часот.
Здружение на лица со церебрална парализа и други попречености- Велес, зема учество на саемот, со производи од плантажата со лековити билки која ја подигнавме и реализиравме во рамки на проектот „Социјална инклузија и работно ангажирање на лица со попреченост и други маргинализирани групи преку одгледување на лековити билки“. Проектот го реализираме во соработка со нeвлaдината Биовита – Biovita од Кавадaрци, а финансиски е поддржан од Глобален еколошки фонд ПМГ, на Обединетите нации.